La canzone Acquaiola ‘e Margellina è cantata da Mirna Doris
Ce sta ‘na banca ‘e ll’acqua a Margellina
tutta ‘nfrascata e carcera ‘e limone,
ma chella ca’ mme piace è ll’acquaiola,
‘na lupinella bella comm”o sole…
chell’acqua dint”a mummara è gelata…
e je dico “Carmenè’! Famm”a ghiacciata!”
Acquaiola ‘e Margellina, tu sì’ ‘overo ‘na ciaciona
cientemila vas”all’ora, je azzeccasse ‘mmocc’a te!
Pe’ ‘sti mmummere gelate
Pur”a capa aggio perduto
cchiù te guardo e cchiù mme struje
come spriemme ‘stu limone, te spremesse ‘mpiett”a me
Ce sta ‘o marito ca lle pror”o naso,
me pare Otello tanto ca è geluso,
però nun tene sanghe dint”e vvene,
è sicco, è luongo, pare ‘nu stecchino.
e Carmenella guarda a ‘stu guaglione
e dice sempe “Magnete ‘o limone!”
Acquaiola ‘e Margellina, tu sì’ ‘ovvero ‘na ciaciona
Cientemila vas”all’ora, je azzeccasse ‘mmocc’a te!
Pe’ ‘sti mmummere gelate
pur”a capa aggio perduto
cchiù te guardo e cchiù mme struje
comme spriemme ‘stu limone, te spremesse ‘mpiett”a me
Acquaiola ‘e Margellina, tu sì’ ‘overo ‘na ciaciona
Quanno faje ‘o pizz”a rrise
veco ‘e pperle ‘mmocc”a te!
Pe’ ‘sti mmummere gelate
pur”a capa aggio perduto
si me sonn”int”a nuttataca
mme facci”a limonata
je me sent”e cunzulà’!